NOIZ ETORRI BEKA PAPEREN BILA?

Noiz etorri euskaltegira bekarako paperen bila? 

Ekainaren 20, 21, 22 eta 23an, 10:00etatik 14:00etara 
eta 16:00etatik 20:00etara .
Astearte goizean izan ezik.

EZ APARKATU EUSKALTEGI AURREKO ESPALOIAN

Normalean ez dugu hor aparkatzen, baina, hala ere... kontuan izango dugu.

 Bestalde, "udaltzaingoarengatik isuna jasoko dute". Bai esaldi aldrebesa!

IRUÑEKO HIZKUNTZA ESKOLAN MATRIKULA LIBREA EGITEKO DATAK

2015-2016 ikasturteko matrikula librea Iruñeko Hizkuntza Eskolan.

2016ko ziurtatze probak egiteko MATRIKULA LIBREA otsailaren 22tik martxoaren 4ra arte da.

 

 

HASI EZTARRIAK BEROTZEN!

HIZKUNTZA AKTIBISMO TAILERRA

Sakanako EHEk Hizkuntza Aktibismo tailerra antolatu du.

Tailer honen helburua euskaraz bizi nahi eta ahalegina egiten duten herritarrei tresna eraginkor bat eskaintzea da, tokian toki aldaketak eragiteko.
Animatu eta parte hartu!

Urtarrilaren 27 arte daukazue izena emateko. Merezi du!

AUTOIKASKUNTZAKOENDAKO ABISUA

Hau autoikaskuntzako ikasleendako abisua da.

2015-2016 ikasturteko mintzasaioen egutegia

astelehena   20:00-20:30

asteartea    11:00-11:30

asteazkena  15:20-15:50

Ikasle horiek nahi/ahal duten mintzasaiora ager daitezke.

UDAN EUSKARA HOBETZEKO/PRAKTIKATZEKO ONLINE BALIABIDEAK 5

EMUN hizkuntza zerbitzu enpresaren webgunea:

EMUN hizkuntza zerbitzuak

Baliabideak eta tresnak:

Baliabideak eta tresnak

AIZU, EUSKALTEGIKO IKASLEA! LAGUNAK EUSKALTEGIRA EKARTZEAK SARIA DAUKA!

PLAZERA IZAN DA

"Plazera izan da" esaldia izan da egun hauetan ikasle eta irakasle elkarri esan diogun esaldia.

Azken egun hauetan ere euskaltegia hustu dugu eta beheko obrak nola doazen ikusi dugu.

Irailean ikusiko dugu berriro elkar euskaltegi berritu eta handituan.

Eskerrik asko trasteak jaisten lagundu diguzuen ikasle guztiei.

NOIZ JASO BEKA ESKATZEKO PAPERAK?

Maiatzaren 29an batzuek, ekainaren 11n beste batzuek eta ekainaren 13an beste batzuek klaseak despedituko dituzue.

Ekainaren 15etik 19ra bitarteko astea euskaltegitik pasatu zaitezte beka eskatzeko paper horiek eske, goizez eta arratsaldez.

Nahi baduzue,  etorri aurretik hots egin: 948 468 258 / 607 624 392

Hona hemen Mankomunitatearen beka eskatzeko argibideak:

Mankomunitatearen beka eskatzeko argibideak

Dena dela, hauek dira ohar garrantzitsuenak:

Eskatzeko epea: ekainaren 1etik uztailaren 30era.

Non eskatu: paperak Mankomunitatera eraman edo postaz bidali

Zein paper behar dira:
- Euskaltegiko ziurtagiria
- Nortasun agiriaren fotokopia
- Udalaren errolda-ziurtagiria (Sakanan bizi zarela frogatzeko)

OSTEGUNEAN MINTZODROMOA ALTSASUN

ZURE EUSKARA HOBETU NAHI? BAI? BA GARAIZ ZAUDE!

HERRI DENDAN IZANEN GARA

Abenduaren 9tik urtarrilaren 5era

HERRI DENDA zabalik izanen da Altsasun  plazan.

Astelehenetan 17:00-20:00

Astearteetan 17:00-20:00

Asteazkenetan 12:00-13:30 eta 17:00-20:00

Ostegunetan 17:00-20:00

Ostiraletan 17:00-20:00

Larunbatetan 12:00-13:00 eta 17:00-20:00

Igandeetan itxita

Abenduaren 24an eta urtarrilaren 5ean denda goizez eta arratsaldez zabalduko da.

Abenduaren 25ean, 31n eta urtarrilaren 1ean denda itxita egongo da.

NAFARROA OINEZEKO KANTAREKIN HASIKO GARA

Aurten ez dugu pasabideko galderarik izanen.
Horren ordez, duela urte batzuk euskaltegian egiten genuen ekintza baten antzekoa eginen dugu.
Hamabostean behin talde guztietan kanta bera landuko dugu eta ostegunean pasabidean elkartu eta elkarrekin kantatuko dugu.

2104ko Nafarroa Oinezeko kantarekin hasiko gara.

NIVEL DE INICIACIÓN POR LAS TARDES

Si se apuntasen otro par más de personas, pondríamos en marcha en grupo de nivel de iniciación por las tardes, de lunes a jueves, de 17:00 a 19:00. Si entre los que se matriculan hay alguien que trabaja a turnos (o lo necesita por algún otro motivo) tiene la posibilidad de venir a clase por la mañana también. Hay ahora un grupo que está aprendiendo en un nivel también muy básico.

Euskaraz! Beste lagun pare batek izena emango balute, hasiera maila martxan jarriko dugu. Arratsaldetan, astelehenetik ostegunera, 17:00etatik 19:00etara. Izena eman dute horien artean lanarengatik (edo dena delakoarengatik) astero arratsaldetan ezin badu, badago dagoeneko talde bat euskaltegian goizetan oso oinarrizko maila ematen ari dena.

IRITSI DA EGUNA!

Iritsi da eguna. Gaur klaseetan hasi gara. Euskaltegiko bost gelak (irakasle gela ere bai, bai) bete dira!!!! 

Geroxeago, arratsaldean, ere bai!

Gaur aurkezpena. Kontu asko kontatzeko: metodologia (komunikazioan oinarritua, lau trebetasunak, tutoretzak...), ordainketa moduak, prezioak, euskaltegiko ohiturak (bideoak, idazlea, nanoipuinak, pintxoak, txangoak, afariak, kafe makina, kantak...), Sakanako Mankomunitateko beka... oporrak!

Bihartik eta egun pare batez diagnostikorako probatxoak.

 

EUSKALTEGIA ZABALIK, JAIAK IZAN ARREN

Gaur, irailak 13, hasi eta asteazkena, irailak 17, arte jaiak dira Altsasun.

Hala ere, euskaltegia zabalik egonen da: matrikulatzeko, oporrak kontatzeko, agurtzeko, pote bat eramateko, dantzara gonbidatzeko, informazioa jasotzeko...

Argazkia Iortia Kultur Gunearen facebooketik hartu dugu.

ALTSASUKO SAN PEDROTAN LAGUNTZA

Askok jakinen duzue, baina gogorarazi eginen dugu.

Altsasuko San Pedro erromeria egunean txozna jarri ohi dugu Sakanako AEK-kook eta urtero bezala laguntza behar dugu.

Ekainaren 27ko arratsaldean gutxi gorabehera 17:00etatik 20:00etara txozna montatzen laguntzea behar dugu.

Ekainaren 29an,

08:00-11:00 dena martxan jartzeko txanda, bi lagun

11:00-15:00 lehen txanda handia, sei edo zazpi lagun

15:00-17:00 txanda lasaia, bi lagun

17:00-21:00 bigarren txanda handia, sei edo zazpi lagun

21:00-22:30 dena biltzea, aurreko txandakoak edo bizpahiru lagun gehiago

Ordaina? Giro ona, euskaraz, noizean behin tragoxka bat, euskaraz, jende asko ezagutu, Altsasuarren Sanpredroak nolakoak diren ezagutu, euskaraz...

DAGOZKIGUN DIRU-LAGUNTZAK ESKATZEKO ELKARRETARATZEA

Gaur, hilaren 27an, Euskarabideako zuzendariak agerraldia eginen du Nafarroako Parlamentuko Hezkuntza Batzordean; bertan azalpenak eman beharko ditu, besteak beste, aurrekontuetan agertu arren, Gobernuak aintzat hartu ez dituen euskaltegietako partidaz, bertsolaritza programaz eta udaletako euskara zerbitzuez.
 

Hori dela eta, 9:30etik aurrera elkarretaratzea eginen dugu Sarasate Pasealekuan, aurrekontuetan dagokiguna eskatzeko, euskaraz bizi nahi dugulako Tokiko Entitateetako ordezkariok, Nafarroako Bertsozale Elkartea, UEMA, eta Herri Ekimeneko euskaltegiok (AEK, IKA)

 

HERRIA EGITEKO OLIBA OLIO BIRJINA

Nafarroatik Euskal Herrirako

Euskal Herritik Nafarroara

Olioarekin ere, behera eta gora, herrigara!

Zer? Nafarroako oliba olio birjina estra

Ohiko nekazaritzaz egindakoa, 5 litro,
prozedura mekanikoz hotzean erauzia
16,50 euro

 Nekazaritza ekologikoan egina, 5 litro,
prozedura mekanikoz hotzean erauzia
 22 euro

Zergatik prezio horiek? Merkatuko prezioa baino merkeago banaketa prozesuaren zati bat bountarioen bidez egiten delako.

Zertarako dirua? Nekazariari ordaintzeko, jakina! Nafarroako nekazariendako eta bestea Nafarroako Erriberako euskalgintzarako.

Nola erosi? Euskaltegian zenbat eta nolako olio bidoi nahi dituzun esan eta dirua utzi. Egun batzuk barru euskaltegira olioaren bila etortzeko esanen dizugu.