Aurreko ostegunean irakasle bat Altsasun mandatu batzuk egiten ari zen. Duela urte batzuk ikaslea izan zen gizon batekin egin zuen topo. A1 maila egin zuen.
Irakaslea eta ikasle ohia hizketan aritu ziren. Irakaslea euskaraz eta ikasle ohia gaztelaniaz. Baina elkar ulertu zuten.
Geroxeago beste ikasle ohi batekin egin zuen topo irakasleak. Irakaslea euskaraz eta ikasle ohia erdi euskaraz-erdi gaztelaniaz. Ikasle ohi hura ere duela urte batzuk aritu zen eta A2 mailara iritsi zen.
Bizitzaren bueltak direla-eta ez ziren urrunago iritsi ikasketetan, baina ikasi zutenari probetxua ateratzen diote. Ez dute ahaztu!
